Goikoa Grafik

Diseinu Grafikoa eta Logotipoak

Goikoa Grafik-en behar duzun diseinu grafikoko edozein elementu sortzen dugu: zure logotipoa, inprimaki eta publizitateko elementuak.

Marka handi bat enpresa handi batekin lotzeko joera dugu beti, mundu osoan ehunka edo milaka langile dituena. Baina horrek ez du zertan horrela izan: zu, modu autonomoan lan egiten duzuna, negozio txiki bat duzuna, enpresa handi bat ere bazara, eta Goikoa Grafik-en marka hori indartzen lagunduko dizun irudi bat sortzen lagundu nahi dizugu.

Zerbitzuak

Logotipoen Diseinua

Jendeak zure enpresari buruz duen lehen inpresioa hobetzen lagunduko dizugu, logotipo berri, moderno eta dotore bat diseinatuz.

Irudi Korporatiboa

Zaindu zure markaren diseinu grafikoa xehetasunez. Irudi homogeneo batek enpresa baten seriotasun eta profesionaltasun itxura indartzen du.

Enpresako Inprimakiak

Zure enpresarentzat behar duzun edozein inprimakiren diseinua egingo dugo: bisita-txartelak, gutun-azalak, gutun-orriak, etab.

Flyerrak eta Publizitatea

Offline publizitatea oso garrantzitsua da gaur egun ere. Flyer, kartel, egunkarietako iragarki eta abarren diseinu grafikoaz arduratzen gara.

Logotipoen Diseinua

Zure markaren ezagutza zure bezeroaren lehen inpresioarekin hasten da: zure logotipoa.

Logotipo bat ez da enpresaren marka berez, baina bai zure nortasun korporatiboa bezalako zerbait handiagoaren funtsezko zatia. Bere sorkuntza prozesua, lehen hartu-emanetik lana amaitu arte, desafio haundia da, baina aldi berean oso lan atsegina.

Goikoa Grafik-en eskuz esku lan egiten dugu gure bezeroekin, haien kezkak ezagutzeko eta haien ideia azken emaitzan islatuta gera dadin ziurtatzeko.

Kontaiguzu buruan daukazuna: logotipo moderno eta koloretsua, lotsagabea, edo agian xumeagoa, minimalista, baina aldi berean ikusgarria nahiago duzu. Entzun egingo dizugu, aholkuak emango dizkizugu, eta, azkenik, hainbat aukera aurkeztuko dizkizugu, zure ideian, egiten duzun sektorean eta zure merkatua zuzentzen duzun publikoan oinarrituta.

Irudi Korporatiboa

Identitate korporatiboa enpresa baten irudi globala da.

Irudi korporatiboa ez datza logotipoaren diseinuan bakarrik. Era berean, enpresaren irudiaren zati garrantzitsu bat inprimaki korporatiboak, webgunea, online eta offline publizitate-iragarkiak, uniformeak edo errotulazioa dira.

Elementu horien guztien arteko koherentzia ona da markak behar duen trinkotasuna sortzen duena, kontsumitzaileek gogora dezaten eta zure enpresari erraz lotu diezaioten.

Zure marka modu globalean diseinatuko dugu: logotipoa, bisita-txartelak edo zure dendako errotulua. Enpresa-nortasunaren eskuliburu bat emango dizugu, eta, bertan, jardunbide egokien jarraibideak emango dizkizugu, zure marka irudikatzen den edozein euskarritan bete beharrekoak:

  • Logotipoaren bertsio nagusia eta alternatiboa, gutxieneko tamainak eta tarteak definituz, irakurgarritasuna ziurtatzeko, erreproduzitzen den formatua edozein dela ere.
  • Hauen bertsio positiboak, negatiboak eta monokromatikoak.
  • Koloreak, tipografia korporatiboak eta horien erabilera zuzena.
  • Logotipoaren edo markako elementuen erabilera okerrak.

Enpresarako inprimakiak

Zure enpresako inprimaki korporatibo guztien diseinu grafikoa.

Asko dira zure negozioaren funtzionamendurako egunez egun behar ditzakezun inprimakiak,  bai barne-erabilerarako, bai bezeroekiko traturako: bisita-txartelak, fakturak, gutunetarako orriak, albaranak, gutun-azalak, ordainagiriak, poltsak, etab.

Ildo horretan, oso garrantzitsua da aipatzen ditugun elementu horiek beren artean homogeneotasuna mantentzea. Horrela, enpresa baten profesionaltasunari buruz bezeroek duten pertzepzioa indartzen da. Aitzitik, bere elementuen artean orekarik ez duten inprimakiek, dela gehiegizko koloreengatik, dela tipografiak irizpiderik gabe eta uniformetasun gutxirekin erabiltzeagatik, nahi denaren kontrako efektua sor dezakete.

Hau dela eta, askotan, eta are gehiago negozio txikietan, oso zaila da gauza horien guztien zain egotea beste zeregin batzuen ardura duzunean. Zure logotipoa erakutsi besterik ez diguzu egin behar, eta gu arduratuko gara gainerakoaz:

  • Bisita-txartel orokorrak eta pertsonalizatuak.
  • Gutun- eta faktura-orriak.
  • Gutun-azal txikiak eta handiak (poltsak).
  • Dokumentuetarako karpetak.
  • Paperezko edo plastikozko poltsak.
  • Eta abar.

Flyerrak eta Publizitatea

Zure burua ezagutaraztea ezinbestekoa da zure negozioa hazteko.

Gaur egun aro teknologikoan bizi gara, non aplikazioak, sare sozialak eta marketin digitala komunikazioaren gailurrean dauden, batez ere haien berehalakotasunari eta kontsumitzaileekin elkarreragiteko eskaintzen duten aukerari esker.

Hala ere, egunero argitaratzen diren hainbat eta hainbat hedabide inprimatu daude oraindik, eta garrantzitsua da publizitate hori alde batera ez uztea, aurrekoekin batera audientzia handiagoa lortzen lagunduko baitizu.

Esaiguzu zer behar duzun promozioa egiteko eta guk gustura egingo dugu.

  • Egunkari, aldizkari, argitalpen espezializatu, udal-gida eta abarretarako iragarkiak.
  • Kartelak, triptikoak, diptikoak…
  • Postontzietan banatzeko liburuxkak.
  • Jatetxeetako kartak eta menuak.
  • Ekitaldietarako flyerrak.
  • Bezero-bonuak.